Emprego e formación
Traballamos pola plena inclusión laboral das persoas con discapacidade intelectual
Ter un emprego
é un dereito que temos todas as persoas,
teñamos ou non unha discapacidade.
O emprego é unha das formas máis importantes
de conseguir a inclusión das persoas con discapacidade intelectual,
de mellorar a súa calidade de vida, a súa autonomía,
de promover a súa independencia,
de facilitar as relacións con outras persoas
e tamén de mellorar a súa autoestima.
Dende FADEMGA Plena inclusión Galicia temos o obxectivo
de que cada vez máis persoas con discapacidade intelectual
podan acceder a un posto de traballo.
Para elo a nosa federación ofrece diferentes servizos.
Entre estes servizos destacan:
- Información e orientación laboral
- Formación
- Apoios para o emprego
- Fomento do emprego
- Emprego público
O SERVIZO DE EMPREGO E FORMACIÓN DE FADEMGA
O noso servizo de emprego e formación
ten máis de 25 anos de experiencia
na defensa e na loita polos dereitos
das persoas con discapacidade intelectual
no ámbito laboral.
Defender os dereitos no ámbito laboral é:
- Defender o acceso ao mercado de traballo ordinario,
- Reivindicar unha formación adaptada ao colectivo,
- Reivindicar máis prazas de emprego público,
- Fomentar a creación e ampliación dos Centros Especiais de Emprego,
- Concienciar sobre a importancia dos apoios no propio posto laboral,
- Sensibilizar á sociedade da importancia de contar con empresas diversas, inclusivas e accesibles.
Preme nesta ligazón e coñece os principais fitos do servizo!
