Fomento do emprego

O obxectivo do servizo de fomento do emprego

é asesorar, apoiar e orientar iniciativas de emprego

que creen novas oportunidades de inclusión laboral

para as persoas con discapacidade intelectual.

Tamén ten como obxectivo

fomentar a creación e a sustentabilidade dos centros especiais de emprego

das entidades que pertencen á nosa federación.

QUE SERVIZOS PRESTAMOS?

• Realizamos acompañamento técnico na posta en marcha de novos proxectos empresariais que xeren emprego, asesorando e informando sobre a viabilidade técnica e económica dos mesmos.
• Orientamos no acceso aos mecanismos de axuda a iniciativas empresariais e aos apoios financieiros e emprendedores.
• Detectamos oportunidades de negocio para empresas e investigación das posibilidades de desenvolvemento do territorio.
• Realizamos asesoramento e apoio para a creación de empresas, especialmente empresas de economía social (Centros Especiais de Emprego)
• Fomentamos a dinamización socioeconómica e empresarial no eido local.

SOBRE QUE TE PODEMOS INFORMAR?

• Asesoramento para a creación de Centros Especiais de Emprego e empresas de economía social.
• Incentivos á contratación por conta allea para o teu negocio.
• Incentivos á creación de empresas.
• Liñas de financiación subvencionadas para inciativas empresariais.