Quen somos?
FADEMGA Plena inclusión é a federación galega de asociacións en favor das persoas con discapacidade intelectual ou do desenvolvemento
En FADEMGA traballamos defendendo os dereitos
das persoas con discapacidade intelectual e das súas familias.
Tamén traballamos para que teñan unha boa calidade de vida.
O noso obxectivo é lograr que a sociedade sexa máis xusta e solidaria,
onde todas as persoas, sexan cales sexan as súas capacidades,
teñan os mesmos dereitos e as mesmas oportunidades.
FADEMGA forma parte de Plena inclusión España.
Plena inclusión España é a Confederación que representa,
coordina e apoia a todo o noso movemento asociativo en España.
A Confederación está formada por 17 federacións autonómicas.
A NOSA BASE SOCIAL
FADEMGA Plena inclusión Galicia está formada
por 41 asociacións das 4 provincias galegas,
ten 7 mil persoas socias
e representa a máis de 9 mil persoas con discapacidade intelectual
ou do desenvolvemento.
FADEMGA atende ás persoas con discapacidade intelectual
de maneira directa a través de programas
ou de maneira indirecta a través das asociacións.
Tamén cubrimos aquelas necesidades
das asociacións que teñen menos recursos
e organizamos diferentes programas para axudar ás asociacións
a mellorar a calidade de vida das persoas con discapacidade intelectual.
