Historia
FADEMGA Plena inclusión Galicia naceu en 1979, como resultado da unión de 5 asociacións de nais e pais que prestaban servizos a persoas con discapacidade intelectual en Galicia.
As 5 entidades que fundaron Fademga Plena inclusión Galicia
foron:
- Aspas,
- Aspanas,
- Aspronaga,
- Apetesfra (hoxe coñecida como San Francisco)
- e Chamorro.
As familias destas asociacións
comprenderon que a unión facía a forza.
Para que a administración as escoitase
e para lograr cambios importantes na sociedade
tiñan que estar unidas.
No ano 1981, Fademga uniuse á Confederación estatal Feaps
e comezou a chamarse Fademga Feaps Galicia.
CHEGA A PLENA INCLUSIÓN
No ano 2015 Feaps cambia de nome
porque as persoas con discapacidade intelectual
non se sinten representadas co nome de Feaps.
As persoas con discapacidade intelectual e as súas familias
querían que Feaps tivese un nome
que representase a súa loita
por se considerados cidadáns de pleno dereito.
Por iso Feaps comeza a chamarse Plena inclusión
e cambia de logotipo.
O logotipo é a imaxe que prepresenta a unha organización.
O novo logotipo é un trevo de catro follas.
A folla máis grande do trevo
simboliza á persoa con discapacidade intelectual.
Nesta ligazón podes ver o vídeo no que se presentuo a nova identidade.
O TRABALLO EN EQUIPO: A NOSA MAIOR FORTALEZA
Nos últimos anos
a relación entre Fademga e a Confederación Plena inclusión
foi facéndose máis forte.
Agora as persoas profesionais de Plena inclusión e de Fademga
colaboran e traballan máis unidos
para avanzar xuntos cara á nosa Misión.
