O proxecto "Aténdeme-enténdeme" inicia nova tempada!

Esta iniciativa está chamada a mellorar a comunicación entre o persoal sanitario e as persoas con discapacidade intelectual

O proxecto "Aténdeme-enténdeme" inicia nova tempada!
imaxe de FADEMGA Plena inclusión Galicia
FADEMGA Plena inclusión Galicia
24-09-2024

O  pasado 20 de setembro o proxecto "Aténdeme-Enténdeme" inaugurou unha nova tempada, cunha primeira reunión que celebramos na sede da Federación e na que participaron os equipos formadores do proxecto.  

Tratouse dunha primeira actividade destinada a facer repaso do avanzado ata agora e compartir a visión de cara a abordar unha nova tempada, na que buscaremos chegar a novos centros sanitarios onde poder formar ao persoal na atención ás persoas con discapacidade intelectual ou do desenvolvemento. Asemade, durante o encontro realizamos una obradoiro para aprender a comunicar con éxito, que nos proporcionou novas estratexias e ferramentas para mellorar a comunicación en consulta coas persoas con discapacidade intelectual. 

Ata o de agora, o proxecto "Aténdeme-Enténdeme" chegou aos centros de Carballo, Viveiro, Carballiño, Lérez, A Peregrina e Coia, así como ao centro médico de Lalín e ao centro de atención primaria de Burela. 

Se che interesa coñecer máis sobre esta iniciativa, preme nesta ligazón!  E lembra que tamén tes a información dispoñible en lectura fácil. 

Fai un comentario

Protección de datos: Regulamento (UE) 2016/679 RGPD e LOPDGDD 3/2018. Como responsable de tratamento, Fademga Plena inclusión Galicia, tratará os seus datos para promocionar a súa actividade e avaliar a calidade dos seus servizos. Poderá exercitar os dereitos de acceso, rectificación e supresión dos datos, entre outros, tal e como se explica na información adicional que está á súa disposición no apartado de Política de Privacidad.