Metodoloxía de Deseño para todos: Ferramentas para considerar as capacidades cognitivas
Datos Xerais:
Categoría: Accesibilidade
Publicado: 2018
Editorial: Plena inclusión España
Publicación para: administracións públicas , empresas , familias , persoas con discapacidade
Organización: FADEMGA Plena inclusión Galicia
Tema: Accesibilidade cognitiva
Descrición:
A participación dos potenciais usuarios ou clientes nos procesos de deseño é un elemento
desexable non só para os posibles destinatarios de espazos, produtos e servizos, senón tamén
para as empresas e organizacións que os desenvolven ou xestionan. O enfoque participativo
permite que as diferentes capacidades, motivacións, preferencias e necesidades das
persoas sexan consideradas desde o inicio do proceso de innovación. Isto permite que os
espazos, produtos e servizos desenvolvidos sexan máis viables desde o punto de vista do
negocio e máis atractivos desde o punto de vista dos usuarios ou clientes.
Neste documento preséntase unha Metodoloxía de Deseño para Todos considerando as
capacidades cognitivas, que pretende axudar a organizacións, empresas e profesionais a identificar
e desenvolver espazos, produtos e servizos inclusivos considerando as capacidades
das persoas, en especial as capacidades cognitivas. É o resultado dun estudo, elaborado
polo Departamento de Estudos e Investigación Social de ILUNION Tecnoloxía e Accesibilidade,
iniciativa da Subcomisión de accesibilidade cognitiva do CERMI e financiado por Fundación
ONCE, que contou coa colaboración de expertos en accesibilidade cognitiva, as
asociacións de persoas con discapacidade e o Centro de Innovación en Deseño Industrial de Mondragon
Unibertsitatea.
Nas seguintes páxinas defínense os conceptos clave da metodoloxía, preséntase a súa
estrutura, introdúcense algúns aspectos xerais sobre a participación dos usuarios, e explícanse
cada unha das fases e ferramentas que a compoñen.
Para pechar o documento ofrécese un apartado de referencias e a listaxe de participantes no
proceso de elaboración da metodoloxía.
Para rematar, é importante sinalar que a metodoloxía non debe aplicarse como libro de receitas para
todos os casos e grupos, senón que debe poder adaptarse de xeito flexible a cada caso
individual.
