Accesibilidade cognitiva
Queremos comprender o mundo
As persoas con discapacidade intelectual
piden dende hai moitos anos
que a súa contorna esté adaptada.
Non falan só de quitar barreiras físicas.
Falan de que haxa máis accesibilidade cognitiva
para poder ter máis autonomía e lograr a plena inclusión
na sociedade.
QUE É A ACCESIBILIDADE COGNITIVA?
Podemos definir a accesibilidade cognitiva
como a característica que teñen as cousas,
os espazos ou os textos
que fai que os entendan todas as persoas.
Este tipo de accesibilidade beneficia a todo o mundo,
pero hai algunhas persoas que se benefician máis,
como por exemplo as persoas:
- con discapacidade intelectual.
- con parálise cerebral.
- con trastorno do espectro do autismo.
- con problemas de saúde mental.
- con dificultades para ler.
- persoas maiores con deterioro cognitivo.
- e persoas que non coñecen o idioma.
Ademáis, no noso movemento asociativo
entendemos a accesibilidade cognitiva
como un dereito chave,
porque abre a porta a outros moitos dereitos
como o dereito á saúde, á educación,
á cultura ou o emprego.
O PROGRAMA DE ACCESIBILIDADE DE FADEMGA PLENA INCLUSIÓN GALICIA
Dende a Federación levamos a cabo moitas iniciativas
para que haxa unha maior accesibilidade cognitiva
en todos os ámbitos da sociedade,
por exemplo:
- Adaptamos a lectura fácil documentos da administración, sentenzas,
temarios de estudo, libros de narrativa, contos…
- Analizamos a accesibilidade de edificios públicos,
transporte, centros sanitarios…
para mellorar a orientación das persoas que acceden a eles.
- Formamos ás persoas con discapacidade e profesionais
no ámbito da accesibilidade.
- Promovemos a accesibilidade nos procesos electorais,
adaptando os colexios e organizando obradoiros de formación
nas nosas entidades.
Tamén explicamos o funcionamiento
das diferentes convocatorias de eleccións,
como por exemplo,
as eleccións autonómicas, as eleccións xenerais
ou as eleccións europeas.
- Promovemos campañas de sensibilización
para que a sociedade coñeza os beneficios
da accesibilidade cognitiva…
Se tes interese en contactarnos
para calquera cuestión relacionada con ámbito da accesibilidade cognitiva,
como por exemplo,
adaptacións, formación ou asesoramento
envíanos un email a accesibilidade@fademga.org
ou ben chámanos ao 981 51 96 50.
PUBLICACIÓNS RELACIONADAS
diferentes publicacións do noso movemento asociativo
relacionadas co ámbito da accesibilidade cognitiva.
FINANCIACIÓN E COLABORACIÓN
O programa de accesibilidade cognitiva
é posible grazas á financiación e colaboración
da Fundación ONCE,
e das persoas que marcan o 0`7%
na súa declaración da renda.
