Abierta la inscripción en el Encuentro Autonómico de Mujeres con discapacidad intelectual
A xornada combinará contidos sobre saúde e coidados cun espazo de reflexión profesional arredor do acompañamento á sexualidade e do exercicio de dereitos.
FADEMGA Plena inclusión Galicia
14-07-2026Dende FADEMGA Plena inclusión Galicia
abrimos o prazo de inscrición para unha nova edición
do Encontro Autonómico de Mulleres con discapacidade intelectual.
O encontro será o 22 de setembro
na Cidade da Cultura de Galicia,
en Santiago de Compostela.
O lema deste ano é: **Xuntas para coidarnos**
O encontro terá 2 espazos diferentes:
- Un espazo só para mulleres con discapacidade intelectual ou do desenvolvemento.
- Un espazo para profesionais que apoian a sexualidade
das persoas con discapacidade intelectual ou do desenvolvemento.
UN ESPAZO PARA FALAR DE SAÚDE E COIDADOS
Queremos ofrecer información accesible
sobre a saúde das mulleres.
Tamén queremos crear un ambiente de confianza
para que as participantes poidan:
- Falar con liberdade.
- Compartir experiencias.
- Coñecer mellor o seu corpo.
- Resolver as súas dúbidas.
Durante a xornada falaremos sobre:
- O ciclo menstrual.
- Os mitos e as falsas crenzas sobre a menstruación.
- Os cambios no corpo das mulleres.
- A menstruación e a menopausa.
- A alimentación e a saúde das mulleres.
- A prevención de enfermidades.
- O benestar e o coidado da saúde.
Este espazo terá 35 prazas.
4 destas prazas estarán reservadas
para mulleres en risco de exclusión social.
