Administración

En FADEMGA Plena inclusión Galicia

damos apoio administrativo ás nosas entidades.

Ofercemos representación, información,

asesoramento e coordinación

en cuestións moi importantes para o seu desenvolvemento.

 

O noso obxectivo é dotar ás asociacións

para que podan dar apoio e servizos de calidade

ás persoas con discapacidade intelectual e as súas familias. 

 

Representación ante administracións públicas e privadas 

Defendemos os intereses das asociacións

ante organismos públicos e privados. 

Traballamos para lograr avances en normativas,

recursos e oportunidades

que favorezan a inclusión e o benestar

das persoas con discapacidade intelectual e as súas familias.

 

Información e asesoramento

Ofrecemos apoio na xestión de trámites administrativos e lexislativos. Algunhas das principais áreas nas que asesoramos inclúen:

- Procedementos para a incorporación de novas entidades á federación,

- Obtención da tarxeta de transporte para persoas con discapacidade,

- Exencións fiscais como a exención do IVE,

- Creación e xestión de centros e servizos especializados,

- Adquisición de vehículos adaptados e outros recursos materiais,

- Cuestións laborais e normativas vixentes,

- Accesibilidade e adaptacións legais,

- Modificación e adaptación de estatutos,

- Elaboración e xestión de convenios e contratos,

- Solicitude e xestión de subvencións autonómicas e estatais.

Xestión de infraestruturas, equipamentos e servizos

Detectamos as necesidades que teñen as nosas entidades

no que se refire aos seus centros e equipamentos. 

Colaboramos nas negociacións con organismos públicos

para mellora os recursos materiais e persoais.

 

Incidencia política

Unha das nosas tarefas como Federación

é conseguir unha comunicación fluída e eficaz

cos representantes políticos e coa administración,

para lograr novas políticas públicas que teñan en conta

as necesidades do noso sector.

 

Coordinación coas entidades e entre as entidades federadas

Facilitamos a comunicación e o traballo conxunto

entre as nosas entidades.

Promovemos unha fronte común para a defensa de dereitos

e o establecemento de estratexias compartidas.