Escola do Bo Querer

Escola de relacións afectivas e seguras

A Escola do Querer é unha actividade

organizada por FADEMGA Plena inclusión Galicia.

Está pensada para mulleres

con discapacidade intelectual ou do desenvolvemento.

Nesta escola falamos de temas moi importantes,

como por exemplo:

- O consentimento.

- A liberdade para decidir.

- As relacións afectivas e sexuais.

Queremos que todas as mulleres

poidan vivir estas relacións de forma segura

e libre.

Aprender a decidir

Na Escola do Querer

traballamos para que cada muller

aprenda a tomar decisións sobre:

- O seu corpo.

- As súas relacións.

- As experiencias que quere vivir.

As mulleres aprenden a poñer palabras ao que senten,

e tamén a defender os seus dereitos.

Un grupo pequeno e seguro

A Escola do Querer é un grupo pequeno

de entre 6 e 10 mulleres.

Reúnense durante 5 semanas seguidas.

Nesas reunións:

- Aprenden cousas novas.

- Comparten experiencias.

- Falan entre elas.

- Fan equipo.

Para que serve esta escola?

Na Escola do Querer aprendes a:

- Promover a igualdade entre mulleres e homes.

- Saber que é unha relación afectiva sa.

- Coñecer sinais de alerta ante situacións perigosas.

- Expresar o que desexas, o que non che gusta e como te sentes.

- Previr situacións de abuso ou manipulación.

- Coñecer onde pedir axuda.

- Sentirte ben contigo mesma.

- Aprender o bo trato e o dereito a querer e a ser querida.

- Crear espazos seguros nas túas relacións persoais.

Queres máis información sobre esta escola?

Se estás interesada en coñecer máis

sobre este e outros proxectos,