Educación

En FADEMGA pensamos que todas as persoas

teñen dereito a unha educación inclusiva e de calidade.

Isto quere dicir que todas as persoas,

teñen dereito a aprender, participar

e medrar xunto ás demais compañeiras e compañeiros.

 

Como traballamos en educación?

Queremos que a educación especial

e a educación ordinaria

traballen xuntas.

Por iso axudamos a que os centros de educación especial

sexan tamén centros que apoien a colexios ordinarios. 

Nestes centros hai profesionais con experiencia.

Estes profesionais comparten coñecementos,

ideas e materiais cos centros ordinarios.

 

Deste xeito, podemos eliminar barreiras

e mellorar a educación para todas as persoas.

 

Que facemos para conseguilo?

Acompañamos aos equipos educativos e profesionais

no seu traballo cada día.

Axudamos con:

- Formación continua.

- Intercambio de boas prácticas.

- Recursos útiles e actuais.

 

Tamén creamos espazos para aprender xuntas e xuntos,

onde se constrúe unha educación máis accesible,

máis flexible e centrada nas persoas.

 

Acompañamento e asesoramento en educación inclusiva

Ofrecemos:

- Información.

- Orientación.

- Apoio.

 

Isto facémolo con:

- Centros educativos.

- Profesorado.

- Familias.

- Outras entidades que traballan en educación.

 

Queremos que todas as persoas poidan aprender

nunha escola que respecte as súas diferenzas.

 

Queremos unha escola na que cada persoa conte,

aprenda e poida desenvolver todas as súas capacidades.

 

Traballo en rede e accións para cambiar as cousas

Formamos parte de grupos

que traballan para mellorar as leis

e as políticas públicas de educación inclusiva.

 

Así conseguimos que as ideas

que aparecen nos plans e documentos do goberno

sexan cambios reais nos centros educativos.

 

Tamén participamos en proxectos estatais,

como o proxecto Colegios por la Inclusión.

Este proxecto é unha plataforma con ferramentas

e materiais prácticos para facer unha escola máis inclusiva.

 

Queres máis información? 

Podes contactarnos neste formulario

ou chamar ao 981 51 96 50. 

 

Financiación e colaboración

Programa financiado polo Ministerio de Dereitos Sociais, Consumo e Axenda 2030.