Apoio familiar
En FADEMGA Plena inclusión Galicia
organizamos actividades e servizos
que axuden ás familias no seu día a día.
Entre estas actividades destacan:
INFORMACIÓN, ORIENTACIÓN E ASESORAMENTO
Todas as familias precisan de apoios
nalgún momento ou etapa da súa vida.
En FADEMGA ofrecémosche información
e asesoramento sobre discapacidade intelectual,
apoios, axudas, centros e servizos,
prestacións e recursos sociais e educativos.
APOIO EMOCIONAL E ESPAZOS DE PARTICIPACIÓN
En FADEMGA fomentamos a creación
de grupos de apoio nas entidades federadas.
Os grupos de apoio están formados por familiares
que se reúnen para compartir experiencias e inquietudes
e que puntualmente poden recibir charlas de persoas expertas
en diferentes materias.
En FADEMGA contamos co noso propio grupo de irmás e irmáns,
que participa moito na organización de diferentes actividades.
CONCILIACIÓN
A conciliación permítenos compatibilizar
o espazo persoal, familiar e laboral
ao tempo que equilibramos os tempos da vida de cada persoa
segundo as súas obrigas, necesidades e prioridades.
En FADEMGA Plena inclusión Galicia ofrecemos
un Servizo de Respiro Familiar,
que ofrece ás persoas coidadoras uns días para o descanso,
facéndonos cargo do coidado da persoa con discapacidade intelectual.
Podes atopar máis información aquí.
FORMACIÓN
Acompañar ao teu familiar con discapacidade ao longo de toda a súa vida
pode requerir formación continua e coñecer novas habilidades.
Na Federación ofrecémosche todo tipo de formacións,
charlas e obradoiros
que dan persoas expertas en diferentes temas,
como pode ser o autocoidado, as dúbidas legais,
a autodeterminación ou a ética e as emocións.
FONDO DOCUMENTAL
Promovemos a publicación de documentos de interese
para as familias, como por exemplo,
Tamén temos unha biblioteca
con materiais e libros aos que poden acceder
os familiares interesados.
Asemade, contamos cunha biblioteca en lectura fácil
para que as familias, persoas con discapacidade intelectual
e entidades podan solicitar exemplares de préstamo.
LEMBRA!
Podes solicitar máis información sobre estes servizos
chamándonos ao 981 51 96 50
ou escribindo un e-mail a familias@fademga.org
