Maiores
Na actualidade hai máis persoas maiores
con discapacidade intelectual.
Isto é porque a esperanza de vida aumentou.
Para poder atender ben ás persoas maiores
con discapacidade intelectual
temos que saber como dar resposta
ás novas necesidades que teñen estas persoas.
O ENVELLECEMENTO DAS PERSOAS CON DISCAPACIDADE INTELECTUAL
O proceso de envellecemento das persoas con discapacidade intelectual
empeza moito antes que nas persoas sen discapacidade intelectual.
A partir dos 45 anos
as persoas con discapacidade intelectual
poden presentar síntomas de envellecemento.
O PROGRAMA DE PERSOAS MAIORES EN FADEMGA
Co fin de atender esta realidade,
dende FADEMGA Plena inclusión Galicia
desenvolvemos o programa "Maiores en acción".
Este programa conta con 2 obxectivos principais:
- Apoios auto-dirixidos para persoas maiores:
destinado a cambiar o modelo de coidados
para as persoas con discapacidade intelectual maiores de 45 anos.
- "Maneiras de vivir", un espazo de reflexión
onde traballamos coas entidades federadas,
co fin de promover a transformación das residencias
e evolucionar cara novas prácticas profesionais
e novos apoios centrados na persoa e na comunidade.
PUBLICACIÓNS RELACIONADAS
Nesta ligazón podes consultar diferentes publicacións
do noso movemento asociativo
relacionadas con ámbito das persoas maiores.