Segunda edición do Laboratorio de Benestar
Un espazo para coidarte e coñecerte mellor
FADEMGA Plena inclusión Galicia
07-09-2025Volvemos co Laboratorio de Benestar.
É a segunda edición.
Un espazo para parar,
escoitarte,
e descubrir como te sentes.
Este laboratorio é para ti
se queres entender mellor:
- Como te relacionas coas demais persoas.
- Como xestionas as emocións.
- Como resolves os conflitos.
Moitas persoas con discapacidade intelectual
teñen dificultades nestes temas.
Tamén poden ter ansiedade,
moito estrés
ou problemas de saúde mental.
Por iso creamos este laboratorio.
Queremos acompañarte
e ofrecerche ferramentas
para coidarte mellor.
Que imos facer?
Traballaremos con dúas técnicas
moi creativas:
- Teatro e interpretación,
para expresar o que sentimos sen medo,
a través dunha personaxe.
- Movemento e expresión corporal,
porque o corpo fala
e pode axudarnos a sentirnos mellor.
Información práctica
O laboratorio será os días
10, 17, 24 e 31 de outubro
Horario: de 10:30 a 12:00
Lugar: Casa das Asociacións de CABES
Rúa Manuel María, 6 – Salgueiriños.
Santiago de Compostela
Como participar?
Cubre a ficha de inscrición.
Envíaa a: areasocial@fademga.org
O prazo para apuntarte remata o 3 de outubro.
Confirmarémosche a praza despois desa data.
Se tes dúbidas, contacta con Pilar Villaverde
chamando ao 981 51 96 50.
Nesta ligazón podes descargar toda a información do laboratorio.
