#QueSeLeaFácil, unha campaña que reivindica máis libros en lectura fácil para centos de miles de persoas con dificultades de comprensión
Porque a cultura só é cultura cando todas as persoas poden entendela.
FADEMGA Plena inclusión Galicia
23-04-2025O 23 de abril celébrase o Día Internacional do Libro.
Para celebralo, Plena inclusión lanza a campaña #QueSeLeaFácil.
O obxectivo desta campaña é claro:
queremos que máis persoas saiban
que faltan libros en lectura fácil.
Tamén queremos lembrar que as persoas
con discapacidade intelectual e do desenvolvemento
teñen dereito a gozar da cultura en igualdade de condicións.
Unha petición dos clubs de lectura fácil
Plena inclusión crea esta campaña
despois de preguntar aos clubs de lectura
as súas necesidades e reivindicacións.
Más de 200 clubs de lectura fácil
de fóra e dentro do movemento asociativo
participaron nesta consulta.
Enviaron as súas respostas
clubs das 17 comunidades autónomas.
Tamén de Ceuta e Melilla.
Necesitamos máis libros en lectura fácil
As respostas da enquisa
ensínannos 3 necesidades moi importantes:
- Ter máis libros de literatura adaptados a lectura fácil.
- Ofrecer formación ás persoas que dirixen os clubs de lectura.
- Ter apoio das institucións para que todas as persoas poidan acceder á cultura.
Ler tamén é un dereito
Ler non debe ser un privilexio.
Ler debe ser un dereito de todas as persoas.
A cultura só é cultura
cando todas as persoas poden entendela.
