Compartimos coñecemento e seguimos aprendendo en grupo
Accede a todas as presentacións utilizadas polas e polos poñentes nesta edición
FADEMGA Plena inclusión Galicia
10-12-2025Queremos que máis persoas
poidan aprender e compartir experiencias.
Por iso, deixamos aquí
as presentacións das persoas poñentes
que participaron no seminario deste ano.
Este seminario é sobre discapacidade intelectual
e saúde mental.
Celebrámolo na Facultade de Psicoloxía
da Universidade de Santiago de Compostela.
Un encontro xa moi coñecido
Este seminario xa se fixo 19 veces.
É un evento moi importante en Galicia.
Participan profesionais, entidades sociais,
familias e estudantes.
Este ano falamos sobre benestar emocional.
O benestar emocional é moi importante
na vida das persoas con discapacidade intelectual
e do desenvolvemento.
Tamén é importante para as familias
e para os equipos profesionais
que dan apoios cada día.
Un espazo que medra e coida
Este seminario leva case 20 anos.
Xa non é só un lugar para dar información.
É un lugar onde as persoas se xuntan,
comparten coñecemento e tamén experiencias.
As presentacións das poñentes
Aquí podes ver e descargar as presentacións
que se usaron no seminario:
- Envellecemento en persoas con moitas necesidades de apoio e acompañamento positivo.
- Apoio emocional a familias en momentos importantes.
- Resiliencia nos equipos de apoio.
Agardamos que estas presentacións sexan útiles para ti,
que che dean boas ideas
e che axuden a mellorar os apoios
nas entidades e nos servizos.
