Hai avances nas leis de dependencia e discapacidade
A Confederación reivindica que o financiamento chegue realmente ás persoas.
FADEMGA Plena inclusión Galicia
17-09-2026Plena inclusión España valora ben
os cambios aprobados nas leis de dependencia e de discapacidade.
Pero a organización di que aínda faltan melloras.
Por exemplo, pide cambios no copagamento
e mellores condicións de traballo
para as persoas profesionais dos coidados e dos apoios.
Que cambios se aprobaron?
O Congreso aprobou os cambios definitivos
nas leis de dependencia e de discapacidade.
A organización considera que estes cambios
permiten dar apoios máis adaptados a cada persoa.
O obxectivo é que as persoas con discapacidade intelectual
poidan decidir sobre a súa vida.
Tamén busca que poidan vivir na súa contorna habitual
e participar na comunidade.
Cales son os principais avances?
Plena inclusión destaca varios cambios importantes:
- As leis adáptanse mellor aos dereitos
das persoas con discapacidade.
- Haberá novos apoios
para que as persoas poidan tomar decisións
sobre a súa vida.
- Mellora a asistencia persoal.
A asistencia persoal é o apoio dunha persoa profesional
para facer actividades da vida diaria.
Por exemplo, pode apoiar unha persoa para ir traballar,
estudar ou facer compras.
- Máis apoio para tomar decisións.
A nova lei crea un apoio específico
para exercer a capacidade xurídica.
A capacidade xurídica significa poder tomar decisións
e exercer os teus dereitos.
Por exemplo, pode ser decidir onde queres vivir
ou como xestionar o teu diñeiro.
A reforma tamén inclúe o emprego personalizado.
O emprego personalizado busca un traballo
adaptado ás capacidades, necesidades e intereses
de cada persoa.
Menos trámites
A reforma tamén pode reducir algúns trámites.
Nalgúns casos, unha persoa que xa ten recoñecido
un nivel de dependencia
poderá ter máis fácil o recoñecemento da discapacidade.
Isto pode evitar facer algúns trámites 2 veces.
Máis accesibilidade
A reforma reforza a accesibilidade universal.
A accesibilidade universal significa que os espazos,
servizos e información deben poder ser usados
por todas as persoas.
Plena inclusión destaca tamén a accesibilidade cognitiva.
A accesibilidade cognitiva axuda a entender mellor
a información e os espazos.
Por exemplo, un documento en lectura fácil
ten máis accesibilidade cognitiva.
Tamén pode axudar un cartel claro nun hospital
ou nunha oficina pública.
Vivir na comunidade
A reforma permite que algunhas persoas
reciban máis apoios no lugar onde viven.
Por exemplo, poden recibir apoio na súa propia casa.
Plena inclusión considera que isto pode axudar
a evitar sistemas moi ríxidos.
Tamén pode facilitar que cada persoa
viva na súa comunidade
cos apoios que necesita.
Que pasa co diñeiro?
O Estado vai aumentar o diñeiro
destinado ao sistema de dependencia.
Plena inclusión pide que ese diñeiro
chegue ás persoas que necesitan apoios.
Tamén pide que as comunidades autónomas
expliquen con claridade como usan ese diñeiro.
Plena inclusión considera que o novo financiamento
debe servir para:
- Mellorar os apoios.
- Reducir as listas de espera.
- Ofrecer servizos suficientes.
- Apoiar mellor ás persoas que necesitan máis axuda.
- Tamén pide boa coordinación entre o Goberno de España
e os gobernos autonómicos.
Que problemas quedan por resolver?
Plena inclusión considera que aínda quedan
2 problemas importantes:
O copagamento
e as condicións de traballo
para as persoas profesionais dos coidados e dos apoios.
A organización explica que un bo servizo
necesita persoas profesionais con formación e estabilidade.
