25 de novembro Día Internacional pola Eliminación da Violencia contra a Muller

Desde a Confederación

e as Federacións de Plena inclusión,

lanzamos unha campaña nas redes sociais.

 

O lema da campaña é:

Escoitar sen prexuízos,

protexer sen barreiras.

 

Esta campaña serve para lembrar

que moitas mulleres con discapacidade intelectual

sofren violencia.

 

Estas mulleres enfróntanse a moitas barreiras,

por exemplo:

- Non lles cren cando contan o que lles pasa.

- Os servizos de axuda non as ven nin as teñen en conta.

- Non poden usar os servizos públicos de xustiza,

protección ou prevención.

 

A violencia de xénero pódelle pasar a calquera muller.

Pero o acceso á xustiza non é igual para todas.

 

As mulleres con discapacidade están máis desprotexidas.

A presidenta de Plena inclusión España,

Carmen Laucirica, di o seguinte:

“Temos que falar coas administracións públicas.

Deben facer que os servizos de protección

sexan accesibles para todas as mulleres,

sobre todo para as que máis o precisan.”

 

O obxectivo desta campaña é 

visibilizar a violencia específica

que sofren as mulleres con discapacidade intelectual

e denunciar que non teñen a mesma protección

có resto das mulleres.

 

En 2025, Plena inclusión

formou a máis de 650 policías nacionais.

Aprenderon como é a violencia

para as mulleres con discapacidade intelectual

e como atender mellor os seus casos.

A presidenta lembra tamén que:

“Aínda falta moito

para ter unha sociedade inclusiva.”

 

A Policía Nacional tamén fala:

Desde a Unidade de Atención

a Familias e Mulleres, din:

“Colaborar con Plena inclusión

permítenos protexer mellor

as mulleres con discapacidade.

Escoitar os seus testemuños

axúdanos a darlles unha atención

máis segura e próxima.”