“Pausa en verde”: unha actividade para parar, respirar e conectar coa natureza
Unha experiencia guiada para baixar o ritmo, reconectar co presente e coidar a saúde mental dende a natureza.
FADEMGA Plena inclusión Galicia
09-10-2026Ás veces vivimos con moitas présas.
Pasamos moito tempo diante das pantallas:
o móbil, o ordenador ou a televisión.
Tamén temos preocupacións,
tarefas e moitas cousas na cabeza.
Todo isto pode cansar a nosa mente
e tamén o noso corpo.
Por iso organizamos Pausa en verde.
É unha actividade para:
- parar un pouco,
- descansar,
- camiñar amodo,
- estar en contacto coa natureza,
- e sentirnos mellor.
Para quen é esta actividade?
Esta actividade é para persoas con discapacidade intelectual.
Cando será?
As sesións realizaranse de 11:00 a 12:30 horas
en espazos naturais da cidade de Santiago de Compostela.
- 23 de outubro, Parque da Lagoa (Cidade da Cultura)
- 13 de novembro, Monte Pedroso.
Cada sesión durará 1 hora e media.
Se algunha persoa ten dificultades de mobilidade,
poderemos cambiar o lugar da actividade.
Como participar?
Tes que cubrir esta ficha de inscrición
e enviala a este correo: areasocial@fademga.org
e decir en que data queres vir.
O prazo para inscribirse remata o 21 de outubro.
Despois contactaremos coas persoas inscritas
para confirmar a súa praza.
Se tes dúbidas, podes escribir a: areasocial@fademga.org
ou chamar ao teléfono: 981 51 96 50
o cartel e o programa da actividade.
Esta actividade finánciase
grazas á Fundación José Otero e Carmela Martínez
e á Consellería de Política Social e Igualdade
a través das persoas que marcan o recadro de Fins Sociais
na declaración da renda.
