Participamos na inauguración do novo Centro Especial de Emprego de Hospitalarias Betanzos
Un proxecto que impulsa a inclusión laboral de persoas con discapacidade intelectual
FADEMGA Plena inclusión Galicia
24-03-2025FADEMGA Plena inclusión Galicia e a patronal AEDIGAL
participamos na presentación do novo Centro Especial de Emprego
de Hospitalarias Betanzos.
Esta é unha iniciativa promovida pola Fundación Hospitalarias
que abre as súas portas cun equipo
de 18 traballadores e traballadoras.
O centro ofrece oportunidades laborais
a persoas con discapacidade,
no ámbito da lavandería industrial.
Desde FADEMGA destacamos a importancia deste tipo de proxectos
para fomentar a autonomía, a inclusión social
e o acceso ao mercado laboral das persoas con discapacidade intelectual.
O novo centro especial de emprego Hospitalarias Betanzos
tamén fará un acompañamento especializado
para garantir o desenvolvemento profesional e persoal
das persoas contratadas.
O acto de inauguración contou coa presenza de varias autoridades,
como conselleiro de Emprego, Comercio e Emigración, José González,
quen puxo en valor a creación deste tipo de infraestruturas
como unha vía fundamental para promover unha Galicia máis inclusiva
e accesible para todas as persoas.
Desde FADEMGA Plena inclusión Galicia seguimos traballando
para que o emprego sexa unha realidade accesible
para todas as persoas con discapacidade intelectual,
e apoiando iniciativas que favorezan a súa participación activa
na sociedade.
Porque o emprego é clave para a inclusión!
