Participa no proxecto estatal “Calidade que impulsa a Transformación”
Unha iniciativa para animar ás asociacións a implantar o Modelo de Calidade Plena
FADEMGA Plena inclusión Galicia
26-01-2026Dende FADEMGA Plena inclusión Galicia
queremos animarvos a participar no proxecto
Calidade que impulsa a Transformación.
O obxectivo desta iniciativa
é acompañar ás entidades federadas
para que entren no Modelo de Calidade Plena.
Trátase dunha oportunidade para:
• Iniciar ou retomar o camiño cara á Calidade Plena.
• Contar con apoios, materiais e acompañamento profesional.
• Avanzar na autoavaliación e na elaboración do plan de mellora.
Para explicar o proxecto con calma
e resolver dúbidas,
organizáronse sesións informativas en liña,
abertas tanto a entidades
que aínda non están no sistema
como a aquelas que xa estades en proceso:
Sesións informativas:
- 3 de febreiro, de 10:00 a 11:30. Sesión para a Zona Norte: Galicia, Asturias, Cantabria, Castela e León, País Vasco, A Rioxa, Navarra, Aragón, Cataluña e Baleares
- 4 de febreiro, de 10:00 a 11:30. Sesión para a Zona Sur: Comunidade Valenciana, Murcia, Melilla, Castela-A Mancha, Ceuta, Madrid, Estremadura, Andalucía e Canarias.
*(Se non podedes conectarvos o día asignado á vosa zona, podedes facelo na outra sesión)
:: INTERESÁCHE COMEZAR O CAMIÑO CARA A CALIDADE PLENA?
A partir do 4 de febreiro
activarase o formulario de inscrición no proxecto.
Este formulario estará dispoñible
na web de Plena inclusión.
Animámosvos a conectarvos á sesión informativa,
escoitar a proposta
e valorar con calma se este proxecto encaixa
no momento actual da vosa entidade.
Para calquera dúbida,
podedes contactar coa Área de Calidade de FADEMGA
en: calidade@fademga.org ou chamando ao 981 51 96 50.
Agardamos vervos nas sesións
e que vos animedes a dar este paso!
