Obradoiro: "Espazos protexidos para falar da morte":
Un espazo para abordar sentimentos, dúbidas e inquedanzas ao redor de temas tabú
FADEMGA Plena inclusión Galicia
02-09-2024A morte está presente na vida de todas as persoas,
pero é un tema do que evitamos falar.
Conversar con alguén sobre a morte
axúdanos a afrontar o medo en lugar de fuxir del;
pero para elo é necesario que a persoa se sinta comprendida
e sen medo ao xuizo sobre a súa opinión.
Este é o obxectivo do obradoiro,
dar claves e estratexias para crear espazos
nos que ofrezamos ás persoas a oportunidade de expresar
e compartir os seus sentimentos, dúdidas
e inquedanzas sobre a morte.
DATOS SOBRE O OBRADOIRO
O obradoiro está dirixido a profesionais das entidades,
profesionais sanitarios, familiares
e persoas voluntarias.
Será dinamizado por Lucía González Vicente,
arteterapeuta, fundadora e presidenta da Fundación Eomaia,
con formación da Fundación Vivir un buen morir.
O prazo estará aberto ata o 16 de setembro.
Unha vez finalizado o prazo de inscrición, confirmaremos a praza vía e-mail.
O obradoiro celebrarase na 3ª planta do Hospital Lucus Augusti de Lugo,
na Sala 304, en horario de 9:30 a 14:30 horas.
DESCARGAS E INSCRICIÓN
Nesta ligazón podes descargar a información sobre o obradoiro.
Nesta ligazon podes facer a túa inscrición.
