O SERGAS e FADEMGA Plena inclusión Galicia asinan un convenio para mellorar a atención sanitaria das persoas con discapacidade intelectual

O Sergas e FADEMGA firmamos un convenio de colaboración

para mellorar a atención das persoas con discapacidade intelectual

na sanidade galega. 

 

Este acordo é un avance importante

para promover a saúde mental, a accesibilidade cognitiva

e a mellora da comunicación entre o persoal sanitario

e as persoas con discapacidade intelectual. 

 

Entre as principais actuacións das que fala o convenio

destaca o programa Aténdeme-Enténdeme. 

Este programa consiste en que persoas con discapacidade intelectual

acompañadas por familiares e profesionais das entidades

visitan centros de saúde para explicar aos profesionais

como poden mellorar a atención sanitaria que reciben.

 

Grazas ao convenio tamén se analizará

a accesibilidade cognitiva dos centros de saúde

e se dará formación especializada en saúde mental

para profesionais da sanidade.