O Concello de Vigo apoia os servizos de emprego de FADEMGA
A achega contribuirá a financiar as actividades da Área de Emprego dirixidas a persoas con discapacidade intelectual ou do desenvolvemento.
FADEMGA Plena inclusión Galicia
21-10-2026Ter un emprego axúdache a vivir con máis autonomía
e a decidir sobre a túa vida.
En FADEMGA Plena inclusión Galicia
apoiamos as persoas con discapacidade intelectual
para que poidan acceder a un emprego.
O Concello de Vigo concedeunos unha axuda de 5.000 euros
para os nosos servizos de emprego na provincia de Pontevedra.
Para que serve esta axuda?
Esta axuda permite apoiar 2 servizos:
- O servizo de información e orientación laboral.
- O servizo de apoios para o emprego.
Cando se concedeu a axuda?
O Concello de Vigo concedeu esta axuda
o 11 de setembro de 2026.
Esta axuda forma parte dun programa do Concello de Vigo
para apoiar actividades sociais de asociacións.
FADEMGA recibiu os 5.000 euros que solicitou.
Esta cantidade é maior que a recibida o ano pasado.
Desde FADEMGA agradecemos este apoio ao Concello de Vigo.
Esta colaboración axúdanos a seguir traballando
para que máis persoas con discapacidade intelectual
poidan acceder a un emprego.

