23º Encontro de Persoas Autoxestoras de Galicia
A Federación aproveitou este encontro para presentar o novo "Consello de participación" un paso histórico cara unha voz máis directa e real das persoas con discapacidade intelectual.
FADEMGA Plena inclusión Galicia
10-10-2025Este venres celebramos
un encontro moi importante
para as persoas con discapacidade intelectual.
Celebrouse no Albergue Monte do Gozo,
en Santiago de Compostela.
Reuniu a 150 persoas
de diferentes organizacións de Galicia
que traballan con persoas con discapacidade intelectual.
O lema do encontro foi:
Rompendo barreiras, abrindo camiños.
O encontro foi un espazo para falar,
para aprender e para compartir.
O presidente de FADEMGA, Eladio Fernández,
dixo que este encontro
non é só para aprender cousas.
Tamén é para falar
do que é importante de verdade.
As persoas autoxestoras
decidiron falar de 4 temas:
- O emprego.
- O carné de conducir.
- A familia.
- O futuro.
Son temas moi importantes
para poder vivir con dignidade
e decidir sobre a propia vida.
Nace un novo espazo:
o Consello de Participación
Durante o encontro,
anunciouse a creación
do Consello de Participación de FADEMGA.
É un grupo de persoas con discapacidade intelectual
que poderán falar coa Xunta Directiva da Federación.
Así, poderán facer propostas
e contar as súas necesidades.
Este novo Consello nace grazas ao traballo
que se fai desde o ano 1999.
Tamén responde a unha petición antiga:
querer participar máis
nas decisións da Federación
e tamén da administración.
Apoio das institucións
No acto tamén participou
a Directora Xeral de Discapacidade,
Begoña Abeijón.
Ela dixo que a Xunta de Galicia
quere apoiar as persoas con discapacidade intelectual.
Tamén estivo Silvia Longueira,
do PSdeG-PSOE.
Ela felicitou ás persoas autoxestoras
polo seu traballo e esforzo.
