Acompañamento ata o final da vida
Un proxecto dirixido a entidades que traballen con persoas con discapacidade intelectual ou do desenvolvemento maiores de 45 anos.
FADEMGA Plena inclusión Galicia
15-01-2026FADEMGA Plena inclusión Galicia
pon en marcha unha nova iniciativa
que se chama
“Acompañamento ata o final da vida”
Forma parte do programa "Maiores en acción".
Está pensada para entidades
que traballan con persoas con discapacidade intelectual
ou do desenvolvemento
maiores de 45 anos.
Para que serve esta pilotaxe?
Esta pilotaxe quere dar resposta
á necesidade de moitas familias e profesionais.
Moitas persoas queren saber
como acompañar o final da vida
de forma respectuosa e con agarimo.
Por iso, esta pilotaxe fala do final da vida
con dignidade, respecto e ética.
Que imos aprender?
O obxectivo principal é coñecer
e compartir formas de acompañar ben
o final da vida das persoas con discapacidade intelectual.
Quen pode participar?
Esta pilotaxe é para entidades
que queiran acompañar ben o final da vida das persoas.
Cada entidade terá que formar un grupo con:
- Polo menos 1 familiar.
- 1 persoa técnica responsable do centro ou servizo.
- Polo menos 2 profesionais de apoio directo.
Como se fai a inscrición?
As entidades interesadas
teñen que enviar a súa solicitude
antes do 30 de xaneiro.
O correo ao que teñen que escribir é:
areasocial@fademga.org
Descarga aquí:
- A información xeral da pilotaxe.
Se tes algunha dúbida,
podes escribir a Ángela Rivera González
no correo: areasocial@fademga.org
ou chamala ao teléfono: 981 51 96 50
