3 de decembro: Día Internacional das Persoas con Discapacidade

FADEMGA Plena inclusión Galicia

03-12-2025

FADEMGA participou este mércores

nun acto organizado por CERMI Galicia

con motivo do Día das Persoas con Discapacidade. 

Neste acto tamén estiveron

outras organizacións sociais.

O obxectivo do encontro foi destacar o traballo

das entidades sociais

e o papel das familias na inclusión

das persoas con discapacidade.

As familias son moi importantes

Carmela González Lagarón

representou a FADEMGA Plena inclusión Galicia.

Ela falou xunto con persoas doutras entidades:

- ONCE.

- COGAMI.

- FAXPG.

- DOWN GALICIA.

Carmela dixo esta mensaxe moi importante:

“As familias foron, son e seguirán sendo moi importantes

para defender os dereitos das persoas

con discapacidade intelectual.”

Carmela tamén mandou unha mensaxe

ás familias que acaban de recibir

un diagnóstico de discapacidade:

“Non estades soas.

As vosas fillas e fillos teñen moitas posibilidades.

Con amor, paciencia e apoios

podedes descubrir o que poden facer

e celebrar cada paso adiante.

Tamén tedes que aproveitar os recursos

que xa crearon outras familias.

Usádeos, mellorádeos e seguide traballando

para mellorar eses recursos.”

Compromisos da Xunta de Galicia

Durante o acto, a conselleira Fabiola García

anunciou varios compromisos:

- Crear un Plan Estratéxico

para as persoas con discapacidade.

Este plan chega ata 2030.

Quere facer de Galicia un exemplo en inclusión.

O plan falará de temas como:

- Saúde e benestar.

- Emprego.

- Formación.

- Tempo libre.

- Vida na comunidade.

Anunciou tamén unha nova lei

para o Terceiro Sector Social.

Esta lei estará lista en 2026.

Servirá para reforzar o traballo

das entidades sociais.

Dende FADEMGA Plena inclusión Galicia

lembramos que aínda hai moito traballo por diante.

Participar neste acto permítenos pedir políticas públicas

baseadas nas necesidades reais das persoas.

Pedimos:

- Apoios estables.

- Apoios suficientes.

- Apoios xustos.