Nace "Plena Compaña", o novo servizo de apoio emocional de FADEMGA
Un espazo de escoita e acompañamento emocional para persoas con discapacidade intelectual.
FADEMGA Plena inclusión Galicia
21-10-2025En FADEMGA Plena inclusión Galicia
sabemos que o máis importante
é ter a alguén que te escoite,
sen présa e sen xuízos.
Por iso, poñemos en marcha un novo servizo
que se chama "Plena Compaña".
Está dirixido a persoas con discapacidade intelectual
que se sinten soas, preocupadas
ou que necesitan compartir como se atopan.
Este espazo nace co obxectivo
de ofrecer acompañamento emocional,
apoio cercano e unha conversa sincera
cando máis se precisa.
Aquí podes falar do que sintes,
contar o que che pasa
ou conversar cunha persoa
que te escoita de verdade.
Como funciona?
O teléfono de atención é o 646 880 823.
Podes contactarnos nos seguintes horarios:
- De luns a xoves: das 10 á 1 do mediodía
e de 4 e media a 6 da tarde
- Venres: de 10 a 1 do mediodía.
Trátase dun servizo gratuito, confidencial
e sen cita previa
Porque todas as persoas
necesitamos ser escoitadas,
Plena Compaña quere estar ao teu carón.
Un pequeno xesto
que pode marcar unha gran diferenza.
Se o precisas, chama.
Estamos para acompañarte!
