Nace o “Foro Galicia de Discapacidade”
Un novo espazo para garantir os dereitos e apoios das persoas con discapacidade en Galicia
FADEMGA Plena inclusión Galicia
24-10-2024O mércores, 23 de outubro
creouse o Foro Galicia de discapacidade
no Colexio Notarial de Coruña.
Este foro é un paso moi importante
para traballar pola mellora dos dereitos e dos apoios
que teñen as persoas con discapacidade en Galicia.
No evento participaron representantes
de diferentes institucións galegas, como o Parlamento de Galicia
a Xunta de Galicia, o Colexio Notarial
e a Fundación Aequitas.
Tamén participamos entidades como FADEMGA
CERMI e Down Galicia.
OBXECTIVO DO FORO
Este foro nace co obxectivo de traballar de maneira colaborativa,
entre os diferentes organismos.
Na súa intervención, Pilar Paz, como representante de FADEMGA
destacou a importancia da iniciativa
e tamén falou sobre o compromiso da Federación
para colaborar.
Pila Paz, dixo:
"Desde FADEMGA podemos achegar a nosa experiencia,
axudando a detectar aqueles aspectos que necesitan ser mellorados
e propoñendo reformas lexislativas que reflictan as necesidades reais
das persoas con discapacidade intelectual e as súas familias".
