Mulleres con discapacidade intelectual reúnense para promover a sororidade e o autocoidado
Un encontro chamado a continuar promovendo a visibilización do colectivo
FADEMGA Plena inclusión Galicia
13-09-2024Os días 16, 17 e 18 de setembro celebramos unha nova edición
do Encontro anual de mulleres con discapacidade intelectual.
Este encontro celébrase na casa rural O Abeiro da Loba
que está na provincia de A Coruña.
No encontro participan 27 mulleres de 7 entidades galegas
e tamén de FADEMGA.
O encontro sirve para que as mulleres con discapacidade intelectual
podan ter un espazo onde compartir experiencias,
falar sobre as súas reivindicacións
e aprender sobre temas importantes
como o coidado de unha mesma ou a prevención do abuso.
Mulleres e discapacidade intelectual
Nos últimos anos temos avanzado grandes pasos
nos dereitos das mulleres.
A pesar de todo, as mulleres con discapacidade intelectual ou do desenvolvemento
continúan a ser obxecto de unha tripla discriminación
polo feito de ser mulleres, de ter unha discapacidade
e de que dita discapacidade sexa intelectual.
Neste sentido, a súa posición social está condicionada
por ter máis dificultades en eidos como a educación, o emprego
e mesmo no sistema sanitario.
Con todo, e a pesar das múltiples barreiras que enfrontan estas mulleres,
cada encontro anual supón a proba de que cada vez
son máis as que defenden os seus dereitos
e se empoderan para reclamar un espazo
que ata hai pouco tempo se lles tiña negado.
