Levamos ao Parlamento a realidade das persoas con discapacidade intelectual ante os efectos da Lei 8/2021

FADEMGA Plena inclusión Galicia

22-06-2026

FADEMGA participou nunhas xornadas no Parlamento de Galicia.

O nome das xornadas era:

Os dereitos fundamentais das persoas con discapacidade.

Neste encontro participaron:

- Persoas expertas en leis.

- Profesionais do ámbito social.

- Entidades que representan ás persoas con discapacidade.

De que falamos na xornada?

Na xornada falamos sobre a Lei 8/2021.

Esta lei trouxo un cambio importante.

Antes usábase un modelo que incapacitaba á persoa. 

Agora búscase outro modelo basado en:

- os apoios.

- a autonomía.

- o respecto á vontade de cada persoa.

Que problema hai con este modelo

A lei foi un avance importante.

Pero a súa aplicación crea problemas.

Eses problemas afectan á vida diaria

de moitas persoas con discapacidade intelectual.

FADEMGA explicou que a norma non sempre ten en conta

a realidade de todas as persoas.

Isto pasa sobre todo cando hai apoios reais,

pero eses apoios non encaixan ben

nos trámites administrativos.

FADEMGA sinalou problemas

nalgúns trámites administrativos con:

- a Seguridade Social.

- a Axencia Tributaria.

Nalgúns casos, estanse facendo interpretacións da lei

que deixan fóra a persoas que precisan apoios.

Isto pode causar:

- Problemas para cobrar prestacións.

- Problemas para ter beneficios fiscais.

- Problemas para manter dereitos xa recoñecidos.

FADEMGA lembra que estos problemas

xa se explicaban nun informe que se chama

Efectos colaterais da Lei 8/2021.

FADEMGA defende que cambiar unha lei non é suficiente.

Tamén fan falta:

- Cambios nos trámites.

- Formación para profesionais.

- Criterios claros para evitar dúbidas e inseguridade.

FADEMGA tamén di que é moi importante escoitar

ás persoas con discapacidade intelectual

e ás súas familias.

Así, as medidas de apoio

non se converterán en novas barreiras.