Encontro de familias de persoas con discapacidade intelectual
Un encontro para falar do futuro
FADEMGA Plena inclusión Galicia
28-06-2025Hoxe, 100 familias de persoas
con discapacidade intelectual
reuníronse no Hotel Los Abetos,
en Santiago de Compostela.
Este encontro foi organizado
por FADEMGA Plena inclusión Galicia.
lema da xornada foi: “Un camiño compartido”.
Un lugar para falar e compartir
O encontro foi un espazo para:
- Falar entre as familias.
- Reflexionar sobre os dereitos
das persoas con discapacidade intelectual.
- Reivindicar que as persoas con discapacidade
deben ter voz nas familias e nas organizacións.
Participación de representantes políticas
No acto estiveron presentes
persoas representantes de institucións:
- Begoña Abeijón,
directora xeral de Discapacidade
da Xunta de Galicia.
- Ariadna Fernández,
deputada do BNG.
- Patricia Iglesias,
deputada do PSdeG-PSOE.
As familias teñen voz
O presidente de FADEMGA, Eladio Fernández,
dixo: “As familias estamos aquí para escoitarnos”.
Tamén explicou que este encontro
é un acto de forza social.
É unha maneira de dicirlle á sociedade
que as familias están organizadas e
teñen voz propia.
Eladio pediu á Administración
que escoite e dea resposta
ás necesidades das familias.
Compromiso dos partidos políticos
A deputada do PSdeG, Patricia Iglesias,
dixo: “É importante apoiar o traballo
das asociacións e entidades sociais.
Queremos mellorar a vida
das persoas con discapacidade intelectual"
Tamén falou Ariadna Fernández, do BNG.
Ela dixo: “Temos que cambiar as políticas e as actitudes.
O BNG vai apoiar estes cambios.”
A Xunta valora o traballo das familias
Begoña Abeijón, da Xunta de Galicia,
agradeceu o traballo das familias.
Ela dixo: “Este é un dos actos máis importantes
que organiza FADEMGA.
As familias sodes valentes
por defender os dereitos
das persoas con discapacidade.
Pídovos que sigades marcando o camiño
que debemos seguir"
As persoas con discapacidade tamén falaron
A xornada tivo dúas partes principais:
- Dar voz ás persoas con discapacidade intelectual.
- Acompañar ás familias durante toda a vida.
Na mesa redonda “Voces que importan”
falou Carmen Márquez, experta en conduta e ética.
Tamén falaron Jesús Cabo e Alberto Seoane,
que teñen discapacidade intelectual.
Eles explicaron as súas ideas
e as necesidades que ten o colectivo. A
Na segunda parte da xornada
falouse da importancia do apoio emocional ás familias.
Participaron Laura Fernández e Isabel Fragueira,
da asociación “Redeiras Solidarias”.
Explicaron como é importante apoiar ás familias
en momentos difíciles da vida.
