FADEMGA participa na campaña ‘Sen familias non hai inclusión’ polo Día Internacional da Discapacidade

O 3 de decembro celebramos

o Día Internacional das Persoas con Discapacidade.

Con motivo desta data,

Plena inclusión comeza unha nova campaña

co lema: “Sen familias non hai inclusión”.

 

A campaña quere dar visibilidade ás familias

das persoas con discapacidade intelectual

ou do desenvolvemento.

Tamén pide que a nova Lei de Familias

as recoñeza e protexa.

 

Que di a campaña?

As familias fan un traballo moi importante

para o benestar e a inclusión

das persoas con discapacidade intelectual.

 

Cada día, as familias ofrecen moitos apoios

ás súas fillas e fillos con discapacidade intelectual

ou do desenvolvemento.

 

Dende FADEMGA Plena inclusión Galicia

apoiamos esta campaña.

Queremos que a nova Lei de Familias

recoñeza os dereitos das familias coidadoras

de maneira clara e directa.

 

Que pide a campaña?

A campaña ten 3 peticións principais:

1. Que se recoñeza legalmente

que as familias coidadoras

teñen dereitos.

 

2. Que existan medidas reais

para conciliar a vida laboral e familiar

das persoas que coidan.

 

3. Que se dean compensacións

ás persoas que coidan

e que non puideron cotizar

nin recibir axudas económicas

ou sociais.

 

Como podes participar?

Plena inclusión anima ás familias

e ás entidades

a compartir mensaxes da campaña

nas redes sociais.

Usa esta etiqueta: #SenFamiliasNonHaiInclusión

 

Participación de FADEMGA no acto do CERMI

Ademais de sumarnos a esta campaña

FADEMGA participará no acto organizado polo CERMI Galicia

na Cidade da Cultura.

 

No encontro, a nosa responsable de Familias,

Carmela González Lagarón,

intervirá nunha mesa redonda.

 

Será unha ocasión para poñer en valor,

a evolución do noso movemento asociativo

grazas ao impulso constante das familias.