FADEMGA recibe unha axuda de 3.000 euros do Concello de Lugo para os servizos de emprego
FADEMGA Plena inclusión Galicia
24-09-2026FADEMGA Plena inclusión Galicia
participou nun encontro organizado polo Concello de Lugo.
Neste encontro, o Concello asinou varios acordos
para dar axudas económicas ás entidades sociais da cidade.
FADEMGA recibiu unha axuda de 3.000 euros.
Para que se utilizará esta axuda?
FADEMGA utilizará estes cartos
para apoiar 2 servizos que ofrece en Lugo:
- Servizo de Información e Orientación Laboral.
Axuda ás persoas con discapacidade intelectual a buscar traballo
e coñecer as súas oportunidades de emprego.
- Servizo de Apoio ao Emprego.
Ofrece apoio ás persoas con discapacidade intelectual
para conseguir un traballo e manter ese traballo.
Estes servizos ofrecen información, orientación
e apoio segundo as necesidades de cada persoa.
O seu obxectivo é conseguir que as persoas con discapacidade intelectual
teñan máis oportunidades de traballar
e de tomar as súas propias decisións.
A importancia das axudas públicas
Durante o encontro, o Concello de Lugo
tamén anunciou que publicará novas axudas
para as entidades sociais.
