Seminario sobre discapacidade intelectual e saúde mental
Unha xornada de novas ideas e alianzas para seguir mellorando o benestar emocional, o apoio e a inclusión.
FADEMGA Plena inclusión Galicia
21-11-2025FADEMGA Plena inclusión Galicia
organizou unha nova edición
do seu seminario sobre saúde mental
e discapacidade intelectual.
No seminario participaron:
- Persoas profesionais.
- Entidades sociais.
- Familias.
- Estudantes.
Un seminario sobre benestar emocional
O seminario celebrouse
na Facultade de Psicoloxía
da Universidade de Santiago.
O tema principal foi o benestar emocional.
Falamos da importancia que ten
nas vidas das persoas con discapacidade intelectual,
das súas familias
e das persoas profesionais que as apoian.
A inauguración do seminario
Na inauguración participaron:
- Almudena Díaz Pereira,
da Xunta de Galicia.
- Mari Carmen Pomar Tojo,
deputada do Partido Popular.
- Ramón Sestayo,
presidente de CERMI Galicia.
- Carmen Taboada,
vicepresidenta de FADEMGA.
Mari Carmen Pomar dixo
que o seminario é un espazo
que representa a diversidade e a inclusión.
Tamén falou do seu traballo
na Comisión de Discapacidade
do Parlamento de Galicia.
Almudena Díaz explicou que a saúde mental
é moi importante
para as persoas con discapacidade intelectual.
porque a saúde mental inflúe en moitas cousas:
- Na calidade de vida.
- Na participación social.
- Na autonomía.
- E tamén na saúde física.
Un espazo para crecer e avanzar
Este seminario leva case 20 anos celebrándose.
Axuda a que as persoas:
- Coñezan máis sobre saúde mental.
- Melloren os apoios que dan.
- Traballen xuntas con outras persoas.
