FADEMGA participou nun encontro sobre xustiza fácil de entender
A xornada puxo en valor o papel da colaboración entre administracións e sociedade civil para garantir un acceso real á xustiza.
FADEMGA Plena inclusión Galicia
13-03-2026FADEMGA Plena inclusión Galicia participou
nunha xornada de diálogo.
O nome da xornada foi “Xustiza fácil de entender”.
A xornada foi na sede da Fiscalía Xeral do Estado,
en Madrid.
O obxectivo de FADEMGA é axudar a conseguir
unha xustiza máis accesible para todas as persoas.
Sobre todo, para as persoas con discapacidade intelectual.
Na xornada participaron institucións públicas
e organizacións sociais.
Todas elas traballan pola accesibilidade cognitiva.
De que falaron?
Na xornada houbo varios espazos
para pensar e compartir experiencias.
Falamos de que é necesario
que a Xustiza sexa máis fácil de entender.
A experiencia en primeira persoa
Nesta sesión participaron:
- Pilar Bernárdez,
formadora de acceso á xustiza.
- Manuel Seoane, profesional de FADEMGA.
As 2 persoas explicaron iniciativas e boas prácticas.
Estas accións axudan a que as persoas con discapacidade intelectual
entendan mellor:
- os seus dereitos,
- os procesos xudiciais,
- e a información legal que lles afecta.
Por que é importante adaptar a xustiza
Durante a súa intervención,
Pilar e Manuel explicaron algo moi importante.
Hai que adaptar:
- os documentos,
- a linguaxe,
- e os procesos.
Isto serve para que todas as persoas
poidan acceder á xustiza en igualdade.
Tamén destacaron que a accesibilidade cognitiva
é unha ferramenta clave.
A accesibilidade cognitiva axuda a reducir barreiras,
e reforzar a autonomía das persoas con discapacidade intelectual.
Outras entidades que participaron
No diálogo tamén participaron
outras persoas profesionais
e representantes doutras entidades
como Plena inclusión e o Ceacog.
O Ceacog é o Centro Español
de Accesibilidade Cognitiva.
Que amosa este encontro?
A presenza de FADEMGA neste foro
mostra algo importante.
As organizacións sociais teñen un papel clave
para impulsar cambios na xustiza.
O intercambio de experiencias
entre administracións públicas e sociedade civil
axuda a identificar boas prácticas,
e promover iniciativas que melloren
o acceso aos dereitos.
Aínda quedan retos
As persoas participantes coincidiron nunha idea:
nos últimos anos houbo avances.
Pero aínda quedan retos importantes.
Aínda así, encontros como este
amosan que o traballo conxunto entre institucións e entidades sociais
pode lograr melloras reais.
