Nova iniciativa de FADEMGA: da ocupación á contribución
Unha iniciativa dirixida a entidades con centros ocupacionais
FADEMGA Plena inclusión Galicia
15-01-2026FADEMGA Plena inclusión Galicia
comeza un novo proxecto que se chama:
“Da ocupación á contribución:
transformación de centros ocupacionais.”
Está dirixido a centros ocupacionais
que apoian a persoas con discapacidade intelectual
ou do desenvolvemento
maiores de 45 anos.
O obxectivo é que os centros
cambien pouco a pouco,
para ser máis personalizados
e máis próximos á comunidade.
A idea é que cada persoa
teña máis participación
e teña un papel máis activo
na súa contorna.
Por que se fai este proxecto?
Os centros ocupacionais
son moi importantes para moitas persoas.
Pero teñen algúns problemas,
como por exemplo:
- A súa estrutura é pouco flexible.
- É difícil ofrecer apoios personalizados.
Este proxecto propón facer cambios pequenos
que sirvan como exemplo para o futuro.
Para quen é esta pilotaxe?
Para centros ocupacionais que queiran mellorar
e facer un traballo máis personalizado
e máis comunitario.
Como se pode participar?
Se o teu centro está interesado,
tes que enviar a inscrición cuberta
antes do 30 de xaneiro
ao seguinte enderezo:
areasocial@fademga.org
Despois dese día, FADEMGA dirá que centros foron elixidos.
Se hai máis solicitudes das que se poden aceptar,
a Xunta Directiva de FADEMGA
decidirá que centros participan.
Onde hai máis información?
Podes descargar estes documentos:
- Información xeral da pilotaxe.
Tes dúbidas?
Podes contactar con FADEMGA
deste xeito:
- Por correo electrónico: areasocial@fademga.org
- Ou chamando ao teléfono: 981 51 96 50
Pregunta por: Ángela Rivera González.
