Libros da colección Os Balbinos en lectura fácil
A iniciativa garante o acceso á lectura en galego a persoas con dificultades de comprensión lectora
FADEMGA Plena inclusión Galicia
16-01-2026FADEMGA Plena inclusión Galicia
colaborou coa Editorial Fervenza
para facer 3 libros en lectura fácil.
Estes libros forman parte
da colección chamada Os Balbinos.
O obxectivo é que todas as persoas
poidan ler e entender os libros
en lingua galega.
OS LIBROS PRESENTADOS
Os títulos dos libros que se presentaron son:
- Os Balbinos visitan os pazos de Galicia
- Os Balbinos visitan os museos de Galicia
- A Lúa e a Bal gústalle a música
Presentáronse esta semana
en Santiago de Compostela.
O acto destacou a importancia
de traballar xuntas as editoriais e as entidades sociais
para facer libros máis fáciles de entender.
PARA QUEN SON ESTOS LIBROS?
Estes libros están pensados
para nenos e nenas
e tamén para mozos e mozas.
Os textos están escritos por
Xoán Carlos García Porral e Toño Núñez.
As ilustracións son de Gabriel Iglesias Sanmartín.
QUE FIXO FADEMGA?
FADEMGA axudou a adaptar os textos
para que estean en lectura fácil.
Isto quere dicir que os textos:
- Son claros.
- Son fáciles de entender.
- Están ben organizados.
Deste xeito, as persoas con dificultades para ler
tamén poden gozar destes libros.
FADEMGA ten moita experiencia
en facer contidos accesibles.
Tamén participa na revisión e validación
dos materiais adaptados.
A LECTURA FÁCIL
A lectura fácil a cultura máis xusta
e máis compartida.
A lectura fácil é útil para:
- Persoas con discapacidade intelectual.
- Persoas maiores.
- Migrantes.
- Nenos e nenas que están aprendendo a ler.
- Persoas con dificultades de comprensión.
POR QUE É IMPORTANTE ESTA COLECCIÓN?
Os libros de Os Balbinos
axudan a coñecer o patrimonio cultural de Galicia.
Por exemplo, fálase de pazos,
museos e música.
Todo está explicado de forma sinxela,
didáctica e inclusiva.
APOIO DAS INSTITUCIÓNS
A Xunta de Galicia
axudou a facer esta colección de libros.
Foi a través das axudas
da Consellería de Cultura, Lingua e Xuventude.
Estas axudas forman parte
da Lei de cultura inclusiva e accesible de Galicia.
Esta lei quere:
- Eliminar as barreiras para entender a información.
- Asegurar que todas as persoas poidan acceder á cultura.
