FADEMGA continuará adaptando documentos xurídicos a lectura fácil
O convenio permitirá que xulgados e servizos xudiciais de Galicia soliciten a adaptación de documentos para persoas con dificultades de comprensión lectora.
FADEMGA Plena inclusión Galicia
07-07-2026FADEMGA Plena inclusión Galicia
e a Consellería de Presidencia, Xustiza e Deportes
renovan a súa colaboración no ano 2026.
Esta colaboración serve para continuar cun proxecto importante:
adaptar documentos xudiciais a lectura fácil.
Que son os documentos xudiciais?
Son documentos relacionados coa xustiza.
Por exemplo: sentenzas, notificacións
ou outros textos dun xulgado.
Para que serve este proxecto?
Este proxecto serve para que as persoas
comprendan mellor a información xudicial.
Está pensado para:
- persoas con discapacidade intelectual ou do desenvolvemento,
- persoas con dificultades para comprender textos,
- e outras persoas que necesiten información máis clara.
A Xunta de Galicia dará ata 25.000 euros
para apoiar este servizo.
Quen pode pedir unha adaptación?
Pode pedir unha adaptación
calquera órgano ou servizo xudicial de Galicia.
Por exemplo, un xulgado.
Pode facelo cando nun procedemento
participe unha persoa con discapacidade intelectual
ou unha persoa con dificultades de comprensión.
Como se fai a adaptación?
O traballo ten 2 partes:
Primeiro, profesionais especializados
adaptan o documento a lectura fácil.
Despois, un grupo de persoas con discapacidade intelectual
le o documento e comproba se se entende ben.
A isto chámaselle validación.
A validación é moi importante
porque axuda a saber se o texto é claro
para as persoas que o van a ler.
Os documentos adaptados teñen valor legal?
Os documentos adaptados a lectura fácil
non teñen un valor legal.
Son documentos informativos.
Isto quere dicir que axudan a comprender mellor a información.
Pero o documento con valor legal
segue sendo o documento orixinal do xulgado.
Por que é importante este proxecto?
Porque axuda ás persoas a comprender mellor
os procedementos xudiciais que lles afectan.
Tamén axuda a que poidan participar con máis seguridade
e exercer os seus dereitos en igualdade de condicións.
Con este convenio,
FADEMGA continúa traballando pola accesibilidade cognitiva.
A accesibilidade cognitiva significa que a información
debe ser fácil de entender.
A xustiza tamén debe ser clara, próxima
e comprensible para todas as persoas.
Consulta aquí a información sobre esta iniciativa
e como solicitar a adaptación.
