FADEMGA e a Xunta colaboran para apoiar a persoas con discapacidade e ás súas familias

FADEMGA e a Xunta de Galicia

firmaron un acordo para mellorar os centros

onde viven ou acoden

as persoas con discapacidade intelectual

ou do desenvolvemento.

 

Este acordo serve para:

- Conservar e manter os edificios.

- Mercar mobles e outros materiais.

- Pagar ás persoas técnicas

que fan os proxectos e as obras.

 

Estes centros pertencen a entidades

que forman parte de FADEMGA

e que teñen concertos coa Xunta.

 

A Xunta dará 750.000 euros

para facer estas melloras.

 

Estes cartos veñen de Europa,

a través dos fondos Next Generation.

 

IGUALDADE E APOIO ÁS FAMILIAS

FADEMGA e a Xunta

tamén asinaron outro acordo diferente.

Este segundo acordo ten 2 obxectivos:

- Axudar ás familias a conciliar a vida laboral e persoal.

- Apoiar ás persoas con discapacidade

que están en prisión.

 

A Xunta dará 55.000 euros

para estes programas.

 

PROGRAMA DE CONCILIACIÓN FAMILIAR

Este programa serve para que as familias

poidan descansar ou traballar

mentres unha persoa coida ás persoas con discapacidade.

 

Hai servizos como:

- Atención temporal.

- Estancias curtas con apoio.

 

IGUALDADE E PREVENCIÓN DO ABUSO

Este programa faise en 5 cárceres:

- A Lama

- Bonxe

- Monterroso

- Pereiro de Aguiar

- Teixeiro

 

Está pensado para persoas

con discapacidade intelectual ou do desenvolvemento

que están cumprindo condena.

 

O programa traballa para:

- Promover a igualdade.

- Evitar situacións de abuso.

 

A Xunta e FADEMGA seguen a traballar xuntas

para mellorar a vida das persoas con discapacidade

e das súas familias.