FADEMGA convoca unha reunión urxente pola crise de financiamento dos servizos

Este venres
FADEMGA Plena inclusión Galicia
reunirase coas súas entidades socias.

Van facer unha Asemblea Xeral Extraordinaria.

Queren falar dun problema moi grave:
a crise de financiamento
dos servizos para persoas
con discapacidade intelectual.

 

Que está a pasar?

As entidades que forman parte de FADEMGA
dan servizos moi importantes
ás persoas con discapacidade intelectual
e ás súas familias.

Pero agora teñen problemas moi grandes.

Os prezos do concerto social
levan moito tempo sen actualizarse.

Ao mesmo tempo:

• Subiron os soldos das profesionais
  por un novo convenio colectivo.

• Tamén subiu o salario mínimo.

• A inflación está a facer
  que todo sexa máis caro.

Todo isto fai que moitas entidades
estean a piques de pechar.

Tamén pode baixar a calidade dos servizos.

A Xunta de Galicia propuxo subir
os prezos entre un 5 % e un 7 %,
pero FADEMGA di que iso non chega.

 

Que van facer na Asemblea?

Durante a reunión
van falar das seguintes cousas:

• Poñer datas para facer accións conxuntas.

• Presionar á Xunta de Galicia
  para que cumpra co prometido.

• Pedir máis cartos
  para garantir os servizos.

• Esixir salarios dignos
  para as profesionais
  e que as entidades poidan seguir funcionando.

Eladio Fernández Pérez,
presidente de FADEMGA, di:

As entidades non poden seguir
pagando todos os custes sen axuda.
A Xunta ten que dar máis financiamento
para manter os servizos
e defender os dereitos
das persoas con discapacidade intelectual.

 

Que é o concerto social?

O concerto social
é un acordo co que a Xunta de Galicia
paga ás entidades sociais
que dan servizos públicos,
como centros de día ou residencias.

Este sistema de financiamento
permite que as entidades
poidan seguir facendo o seu traballo.

Este acordo foi resultado
de moitos anos de negociacións.

Grazas ao concerto social
as entidades sociais teñen máis recoñecemento
e poden seguir axudando
ás persoas con discapacidade intelectual
e ás súas familias.

 

FADEMGA seguirá loitando
para defender os dereitos
das persoas con discapacidade intelectual,
das súas familias
e das entidades que as apoian.