FADEMGA apoia o novo Código Ético de Plena inclusión
A federación impulsa unha cultura organizativa baseada na participación, a coherencia e a responsabilidade compartida
FADEMGA Plena inclusión Galicia
20-03-2026FADEMGA Plena inclusión Galicia
xa apoia o novo Código Ético de Plena inclusión.
O Código Ético é un texto con valores e normas
para facer as cousas ben.
Este novo texto axuda a reforzar
o compromiso coa ética
e cos dereitos das persoas con discapacidade intelectual.
Os 5 valores máis importantes
O novo Código Ético pon no centro
5 valores principais:
- O respecto.
- A vida plena.
- A xustiza.
- A integridade.
- O diálogo.
Para que serve este Código Ético
Estes valores non son só teoría.
Non son só palabras.
Teñen que servir para a vida diaria.
Teñen que verse nas decisións.
Tamén nas relacións.
E tamén na forma de funcionar das organizacións.
A ética enténdese aquí como unha práctica diaria.
Isto quere dicir que hai que actuar
segundo eses valores cada día.
O compromiso de FADEMGA
FADEMGA asume esta adhesión
con responsabilidade.
Tamén cunha mirada crítica.
Isto significa que sabe que o importante non é só dicilo.
O importante é levalo á realidade.
O verdadeiro compromiso vese nos feitos.
Unha tarefa de todas as persoas
FADEMGA tamén fai un chamamento á cidadanía.
Tamén ás persoas do movemento asociativo.
e á sociedade en xeral.
Pide 3 cousas:
- Informarse.
- Participar.
- Esixir compromiso.
Ter unha ética sólida é unha tarefa colectiva.
Isto quere dicir que necesita a implicación
de todas as persoas.
Tedes máis información sobre o novo Código Ético
