Envellecer con futuro: unha charla coloquio sobre a dignidade dos nosos maiores con discapacidade intelectual
FADEMGA Plena inclusión Galicia
29-01-2026FADEMGA Plena inclusión Galicia
e o Centro Ocupacional Pascual Veiga
organizaron unha charla-coloquio.
O título da charla foi: "Envellecer con futuro".
Foi na cidade da Coruña,
e puido asistir calquera persoa interesada.
De que se falou?
Falouse dunha idea moi importante:
As persoas con discapacidade intelectual
teñen dereito a envellecer con dignidade,
liberdade e os apoios que precisen.
Iso significa:
- Poder tomar decisións toda a vida.
- Ter recursos para vivir ben, tamén de maiores.
- Sentirse seguras e valoradas.
Participación e dereitos
Durante a charla falouse de temas como:
- Participar nas decisións da propia vida.
- Apoiar tamén ás persoas maiores que coidan doutras.
- Adaptar os recursos a cada persoa.
- Facer visible que a vellez pode ser positiva
se hai os apoios necesarios.
Un reto para todas as persoas
Carmela González, de FADEMGA,
dixo algo moi importante:
"Hai que falar da vellez.
mén da vellez das persoas con discapacidade.
É un tema que xa está aquí,
e necesitamos pensalo e planificalo
entre todas e todos."
Silvia Longueira, política galega,
lembrou que en Galicia
hai moitas persoas maiores de 65 anos.
Tamén dixo que:
"O terceiro sector, como as asociacións,
é moi importante para acompañar as persoas
no proceso de envellecemento."
Ramón Sestayo, presidente de CERMI Galicia,
engadiu que:
"Envellecer con dignidade
é poder decidir e ter os recursos necesarios.
Tamén é importante revisar leis
como a da dependencia,
para que se adapten ás novas necesidades."
Josefa Arcas, do Centro Pascual Veiga,
explicou que: "Todas as persoas envellecen,
pero non o fan igual.
Envellecer non é o final,
senón un momento para recoñecer
todo o vivido e aprendido."
Mar García Vidal, da Deputación da Coruña,
agradeceu o traballo das persoas coidadoras
e dixo que:
"As entidades sociais saben moi ben
as necesidades reais das persoas.
As administracións teñen que escoitar
e apoiar o seu traballo."
Coñecementos e ferramentas
Na xornada tamén participaron profesionais:
Laura Gamonal, médica xeriatra,
falou sobre como coidar a saúde
das persoas maiores poñéndoas no centro.
Margarita Garrido, da Fundación ADCOR,
explicou que é importante garantir a autonomía
das persoas tamén cando son maiores.
Beatriz Riaño e Paula Castanedo,
terapeutas ocupacionais,
deron consellos prácticos
para axudar ás persoas coidadoras no fogar.
