Aberto o prazo para pedir a formación prelaboral
Formación práctica e adaptada para apoiar a inserción laboral do colectivo
FADEMGA Plena inclusión Galicia
02-07-2025As asociacións de FADEMGA
xa poden pedir a formación prelaboral.
Esta formación é para persoas
con discapacidade intelectual ou do desenvolvemento
que están buscando traballo
ou queren empezar a buscalo.
O obxectivo é aprender cousas importantes
para buscar traballo e poder traballar no futuro.
Que se aprende nesta formación?
As persoas que participan
aprenderán cousas como:
- Facer o seu currículum.
- Prepararse para unha entrevista de traballo.
- Usar ben internet para buscar ofertas de emprego.
- Coñecer os seus dereitos e obrigas como traballadoras.
- Mellorar a súa comunicación e a motivación.
Tamén hai talleres
para traballar temas máis concretos,
como o manexo de cartos
ou a igualdade no traballo.
Este ano hai unha novidade:
un curso sobre como acceder a un traballo
na administración pública, é dicir,
a través de oposicións.
Como é a formación?
Os cursos duran como mínimo 15 horas.
Os talleres curtos duran como mínimo 3 horas.
Cada sesión pode durar ata 5 horas.
Os cursos son para grupos de entre 6 e 10 persoas.
Os talleres curtos son para grupos de entre 5 e 8 persoas.
Os contidos adáptanse ás necesidades de cada grupo.
Que necesito para participar?
Para participar é necesario:
- Ter discapacidade intelectual recoñecida.
- Ter 16 anos ou máis.
- Estar inscrita no Centro Colaborador de Emprego de FADEMGA
(Podes facer esta inscrición despois de pedir a formación).
Os técnicos e técnicas de orientación
irán á túa asociación para facer a formación.
Quen organiza a formación?
FADEMGA Plena inclusión Galicia,
coa colaboración da Xunta de Galicia.
Como se solicitan as formacións?
As entidades interesadas
deberán remitir a Ficha de Solicitude
a formacion@fademga.org
Aquelas entidades que desexedes propoñer
unha acción formativa diferente
podedes enviarnos a vosa proposta
por correo electrónico.
O prazo para realizar a solicitude
de formación prelaboral
temina o xoves 24 de xullo de 2025.
As formacións serán
entre o 15 de setembro
e o 28 de novembro de 2025.
