Aberto o prazo de inscrición no curso “Liderado na práctica”
Un curso para reflexionar, guiar e reforzar o liderado profesional no desenvolvemento de bos apoios.
FADEMGA Plena inclusión Galicia
13-04-2026FADEMGA Plena inclusión Galicia
abre a inscrición do curso “Liderado na práctica”.
Este curso é para:
- persoas responsables de servizos.
- persoas que xestionan equipos.
O curso pode axudarche a mellorar
o teu papel no acompañamento profesional
e nos apoios de calidade.
Quen dá o curso?
O curso darao Laura Garrido Marijuán.
Laura é directora técnica de persoas en APADIS.
Tamén colabora en programas de Plena inclusión.
Cando é o curso?
O curso será por internet.
Farase na plataforma de formación de Plena inclusión.
Empeza o luns 4 de maio de 2026.
Remata o luns 15 de xuño de 2026.
Clases en directo
Ademais do traballo na plataforma,
haberá 2 clases en directo por internet.
As clases serán: 14 de maio, de 5 a 6 da tarde.
28 de maio, de 5 a 6 da tarde.
Para que serve o curso?
O curso quere axudarche:
- a ter ferramentas para liderar no traballo de cada día.
- a pensar como mostrar, orientar e guiar o camiño para dar apoios de calidade.
Inscricións
O prazo de inscrición estará aberto do 13 ao 23 de abril.
As persoas interesadas
poden facer a súa solicitude a través deste formulario
e consultar o programa completo do curso aquí.
Unha vez rematado o prazo de inscrición,
a admisión do alumnado comunicarase
a partir do 27 de abril,
por correo electrónico,
ao enderezo indicado na solicitude.
Esta acción formativa é de balde grazas ao financiamento do Ministerio de Dereitos Sociais, Consumo e Axenda 2030.
