Rede de asesoramento en conduta
Colaboramos, asesoramos, fortalecemos
A Rede de Asesoramento en Conduta
asesora, fortalece e colabora con organizacións,
institucións e familias de persoas con discapacidade intelectual
ante conductas que son dificiles de manexar.
Todo elo o facemos centrándonos na persoa,
para mellorar a súa calidade de vida
e para fortalecer as competencias das persoas cercanas a ela.
COMO TRABALLA A REDE?
O traballo do grupo de profesionais que forma a Rede
comeza coa recollida de información.
Para recoller esta información realízanse reunións en liña
coas persoas que prestan apoios á persoa con discapacidade intelectual.
Despois, realizamos cuestionarios
co fin de coñecer con maior profundidade á persoa e a súa conduta.
A partir desta información, acórdanse estratexias e actuacións.
Isto é o que chamamos plan de apoio.
O plan de apoio axúdanos a promover cambios que melloren a situación.
Nas reunións facemos un seguimento das estratexias,
para saber se están funcionando e valorar se é necesario axustalas ou cambialas.
COMO PODES SOLICITAR O APOIO DA REDE?
Se detectas un problema de conduta grave,
podes solicitar a axuda da Rede escribindo a:
asesora.conduta@fademga.org
ou chamando ao 698 182 179.
Se xa tes claro que queres solicitar o apoio da Rede,
podes cumprimentar a Ficha de solicitude e a Ficha de autorización
e adxuntala por correo a asesora.conduta@fademga.org.
Se en calquera momento queres darte de baixa na Rede,
podes facelo solicitando a ficha de baixa
e achegándoa a asesora.conduta@fademga.org.
MÁIS INFORMACIÓN
Nesta ligazón podes descargar o documento
con toda a información da Rede
e coñecer ás profesionais que a compoñen.
