Accesibilidade cognitiva

Queremos comprender o mundo

A accesibilidade universal está formada por 3 tipos de accesibilidade:

  • física. É a que beneficia, por exemplo, ás persoas que usan cadeira de rodas.
  • sensorial. É a que beneficia, por exemplo, ás persoas cegas ou xordas. 
  • cognitiva. É a que beneficia, por exemplo, ás persoas con discapacidade intelectual.

Podemos definir a accesibilidade cognitiva como “a característica das contornas, procesos, actividades, bens, produtos, servizos, obxectos ou instrumentos, ferramentas e dispositivos que permiten a fácil comprensión e a comunicación”.

Este tipo de accesibilidade beneficia a todas as persoas, pero hai determinados colectivos que a precisan máis, como por exemplo as persoas:

  • con discapacidade intelectual.
  • con parálise cerebral.
  • con trastorno do espectro do autismo.
  • con problemas de saúde mental.
  • con dificultades para ler.
  • persoas maiores con deterioro cognitivo.
  • e persoas que non coñecen o idioma.

Ademáis, no noso movemento asociativo entendemos a accesibilidade cognitiva como un dereito chave, porque abre a porta a outros moitos dereitos como o dereito á saúde, á educación, á cultura ou ao emprego. 

 

O PROGRAMA DE ACCESIBILIDADE DE FADEMGA PLENA INCLUSIÓN GALICIA


Dende a Federación levamos a cabo múltiples iniciativas para promover unha maior accesibilidade cognitiva en todos os ámbitos da sociedade, entre as que cabe destacar:

  • A adaptación a lectura fácil de documentos da administración, sentenzas, temarios de estudo, libros de narrativa, contos…
  • Analizamos a accesibilidade de edificios públicos, transporte, centros sanitarios… para mellorar a orientación das persoas que acceden a eles.  
  • Formamos ás persoas con discapacidade e profesionais no ámbito da accesibilidade.
  • Promovemos a accesibilidade nos procesos electorais, mediante a adaptación dos colexios e mediante a organización de obradoiros de formación nas nosas entidades, onde explicamos o funcionamiento das diferentes convocatorias de eleccións (autonómicas, xenerais, europeas...)
  • Promovemos campañas de sensibilización para que a sociedade coñeza os beneficios da accesibilidade cognitiva…

Se tes interese en contactarnos para calquera cuestión relacionada con ámbito da accesibilidade cognitiva (adaptacións, formación, asesoramento...) envíanos un email a accesibilidade@fademga.org ou ben chámanos ao 981 51 96 50

 

PUBLICACIÓNS RELACIONADAS


Nesta ligazón podes consultar diferentes publicacións do noso movemento asociativo relacionadas co ámbito da accesibilidade cognitiva.