Participa na xornada "Epilepsia: investigación e innovación compartida"
Un encontro aberto á cidadanía coa participación de persoas expertas internacionais
FADEMGA Plena inclusión Galicia
30-04-2025Convidámosche a participar na xornada "Epilepsia: investigación e innovación compartida", un encontro aberto á cidadanía onde falaremos sobre epilepsia, ciencia e o papel das persoas na investigación médica. Un encontro divulgativo e participativo, cun cartel de relatoras e relatores de primeiro nivel procedentes de España, Portugal e México, para falar sobre o futuro do tratamento personalizado da epilepsia, os dispositivos de diagnóstico rápido e os retos éticos da investigación en saúde.
A xornada organizarase en dúas localizacións (ambas en horario de 15:30 a 20:00 horas).
- O 19 de maio en Santiago de Compostela (Biblioteca Ánxel Casal).
- O 21 de maio en Vigo (no edificio Cambon).
Que atoparás?
- Charlas científicas adaptadas a todas as persoas: "Que é a epilepsia e como se diagnostica?", "Por que algunhas persoas non responden aos tratamentos?", "Que papel xogan os xenes e as enzimas no tratamento?".
- Innovación aplicada: Presentación do proxecto GENOPSYSEN, unha rede internacional que desenvolve sensores xenéticos baratos e de uso sinxelo para adaptar os tratamentos á resposta individual.
- Investigación sen fronteiras: con relatoras e relatores de España, México e Portugal, e a participación de equipos de toda Iberoamérica.
Como participar
A xornada é aberta a todas as persoas interesadas: familias, profesionais, estudantes, administracións, entidades e sociedade en xeral.
Nesta ligazón podes consultar o programa da xornada, e de estar interesada/o podes inscribirte AQUÍ.
