Nace "Plena Compaña", o novo servizo de apoio emocional de FADEMGA
Un espazo de escoita e acompañamento emocional para persoas con discapacidade intelectual.
FADEMGA Plena inclusión Galicia
21-10-2025En FADEMGA Plena inclusión Galicia sabemos que ás veces o máis importante é ter a alguén que escoite, sen présa e sen xuízos.
Por iso, poñemos en marcha "Plena Compaña", un novo servizo dirixido a persoas con discapacidade intelectual que se sintan soas, preocupadas ou simplemente necesiten compartir como se atopan.
Este espazo nace co obxectivo de ofrecer acompañamento emocional, apoio cercano e unha conversa sincera cando máis se precisa. Aquí podes falar do que sintes, contar o que che pasa ou, simplemente, conversar cunha persoa que te escoita de verdade.
Como funciona?
O teléfono de atención é o 646 880 823.
Podes contactarnos nos seguintes horarios:
De luns a xoves: de 10:00 a 13:00 e de 16:30 a 18:00
Venres: de 10:00 a 13:00
Trátase dun servizo gratuito, confidencial e sen cita previa
Porque todas as persoas necesitamos ser escoitadas, Plena Compaña quere estar ao teu carón cando o mundo pesa ou cando simplemente queres falar con alguén.
Un pequeno xesto que pode marcar unha gran diferenza.
Se o precisas, chama.
Estamos para acompañarte!
