FADEMGA recibe unha axuda da Deputación da Coruña para o desenvolvemento do programa Respiro Familiar
FADEMGA Plena inclusión Galicia
13-04-2026FADEMGA Plena inclusión Galicia recibiu unha subvención de 12.570,36 euros da Deputación Provincial da Coruña, destinada ao desenvolvemento do programa «Respiro Familiar: Estadías programadas en instalacións comunitarias» durante o ano 2026.
Esta axuda enmárcase na convocatoria de 2025, dirixida ao financiamento de programas e actividades de entidades sen ánimo de lucro da provincia da Coruña.
O programa Respiro Familiar ten como finalidade ofrecer apoios ás familias de persoas con discapacidade intelectual ou do desenvolvemento, facilitando períodos de descanso e conciliación, ao tempo que promove oportunidades de ocio, autonomía persoal e participación na comunidade para as persoas participantes.
O apoio da Deputación da Coruña contribúe a dar continuidade a este tipo de iniciativas, fundamentais para mellorar a calidade de vida das persoas con discapacidade intelectual ou do desenvolvemento e das súas familias.
Podes descargar aquí o documento coa información sobre a subvención, o proxecto financiado e o importe previsto.
